actualitads
MENU

encurir

INVITAZIUN AL TIR INTERN ED ALLA RADUNONZA GENERALA 2020
Dumengia, ils 23 d'uost 2020 stan da sittar

Preziai commembers, preziai candidats 

Cordialmein envidein nus Tei tier igl usitau tir intern sco era alla radunonza generala dall’ uniun da catschadurs Badus.

 Tir intern:
 Cura: Dumengia, ils 23 d'uost 2020
 Uras: 14:30 entochen las 15:00 uras exerzeci da sittar
naven dallas 15:00 uras tir intern
 Nua: Stan da Sittar "La Resgia"
 Program: 14:30 entochen las 15:00 uras exerzeci da sittar
naven dallas 15:00 uras tir intern

Buis da catscha aulta el stan da 100m negins siets d’emprova

2 siets sil cavriel schiend tschentau
2 siets sil camutsch schiend tschentau
2 siets sin schiba “100” schiend tschentau
(valetaziun schiba 100 cun comma: 0,0 – 10,0 / p.ex. in 93 ein 9,3pts.)

Mintga siet vegn valetaus tenor las indicaziuns sin la schiba. Resultat maximum: 60pts. Suenter igl emprem siet sin la schiba vegn lezza buca tratga vitier – pia vegn ei scret pér suenter dus siets!

Il tir cun la flinta corda, damai che astgein buca sittar sin il stan da catscha bassa, aschi ditg sco el ei buca sanaus.

   

Preziai commembers, preziai candidats 

Cordialmein envidein nus Tei tier la radunonza generala dall’ uniun da catschadurs Badus.

 Radunonza generala 2020:
 Cura: Dumengia, ils 23 d'uost 2020
 Uras: suenter il tir intern, ca. las 17.00 uras
 Nua: Ustria dil stan da sittar "La Resgia"
   
 Traktandas: Gliesta da tractandas
 Documents: Program da lavur 2020
Rapport dil president per ilg onn 2019
Protocol dalla radunonza generala 2019

Ei fagess a nus grond plascher da saver beneventar Tei a quella radunonza.

Culs megliers salids e sin in bein seveser
La suprastonza
 

  artechel dils 10 d'uost 2020

 

 

ZONAS DA RUAUS EIN PUSPEI AVIARTAS

Preziai catschadurs, preziadas catschaduras, preziai Tuatschins e preziai hosps da vacanzas

Las zonas da ruaus ein puspei aviartas. Pia sa in e scadin puspei entrar en las zonas nau che la selvaschina ei schurmegiada.

Culs megliers salids
La suprastonza

  artechel dils 28 d'avrel 2020

 

 

ZONAS PER LA PROTECZIUN DIGL UAUL E DALLA SELVASCHINA
naven dils 15 da december entochen ils 30 d'avrel

Preziai catschadurs, preziadas catschaduras, preziai Tuatschins e preziai hosps da vacanzas

Per spargnar energia, drovan ils animals selvadis igl unviern territoris da ruaus, nua ch'els vegnan buca disturbai. Aschia eisi era impurtont da buca spassegiar atras quellas zonas da protecziun digl uaul e dalla selvaschina. Naven dils 15 da december 2019 entochen ils 30 d'avrel 2020 vala ei puspei: Respect the wildlife! Las zonas ein marcadas verd e las sendas ein serradas giu.

                        

 

Las zonas per la protecziun digl uaul e dalla selvaschina ZUS ein sutamessas alla lescha da baghegiar, artechel 33

1. La zona per la protecziun digl uaul e dalla selvaschina cumpeglia spazis da viver d'animals, cunzun ils territoris, nua che la selvaschina passenta igl unviern.

2. Naven dils 15 da december entochen ils 30 d’avrel eis ei buca lubiu da far, preparar e marcar pistas, loipas, vias da scursalar ni auters indrezs per far sport. La suprastonza communala sa relaschar scamonds d'access e da traffic ni lubir excepziuns en cunvegnientscha cun ils organs da survigilonza da catscha e cun il survetsch forestal.

3. Vehichels a motor astgan vegnir duvrai mo per dievers agricols e forestals. Resalvadas ein en general mesiras d'urgenza e da salvament, sco era mesiras da tgira e da protecziun en cunvegnientscha cun ils organs da survigilonza da catscha e cun il survetsch forestal.

4. Las zonas per la protecziun digl uaul e dalla selvaschina vegnan marcadas tenor las directivas digl Uffeci da catscha e pesca e dalla Cumissiun cantunala per la protecziun dalla selvaschina. Ils proprietaris da beins immobiliars ston tolerar mesiras da tgira adequatas. 

Per la protecziun da nos uauls e nossas selvaschinas drova ei era Vies agid. Fagei aschi bien e fagei attents persunas che setegnan buca vid qellas perscripziuns. L' Uniun da catschadurs Badus engrazia per Vossa attenziun e Vies agid.

Culs megliers salids
La suprastonza

  artechel dils 8 da december 2019