INVITAZIUN ALLA SERA DA TROFEAS
ils 1 da december 2018 allas 19.00 uras el hotel da giuventetgna Alpina

Preziai catschadurs, preziadas catschaduras, preziadas consortas ed amitgas

Cheutras envidein nus Vus cordialmein alla sera da trofeas, che ha liug la sonda, ils 1 da december 2018 allas 19.00 uras el hotel da giuentetgna Alpina a Sedrun, tier la Claudia Vögtli-Schmid. La gruppa da Pardatsch da vaccas vegn uonn a menar Vus atras la sera. Ei fuss bi sche Vus prendessas part cun Vossas consortas ed amitgas.

Annunzia:
Per saver organisar la sera supplichein nus Vus dad annunziar ei entochen ils 25 da november 2018 sut info@secziun-badus.ch. Plinavon era, sche Vossa consorta ni amitga fa part a quella sera. Ei fagess grond plascher da saver beneventar bia dunnas.

Fotos da catscha 2018
La gruppa da Pardatsch da vaccas ei responsabla per il program dalla sera. Per embellir empau la sera e per parter las bialas impressiuns e regurdientschas dalla catscha vargada, fussen els engrazieivels sche Vus savessas tametter enzacontas fotos da Vossa catscha persunala per e-mail sut tgiossi@bluewin.ch. Sche pusseivel en format da .JPG. Bugen prendan els encunter quellas fotos entochen mesjamna, ils 25 da november 2018. Alla sera da trofeas presentan els quellas en ina show da dias. Per Vossa attenziun e furniziun engrazian els.

Trofeas:
Nus supplichein tuts catschadurs da dar giu Vossas trofeas naven da gliendisdis, ils 26 da november 2018 entochen il venderdis, ils 30 da november 2018 sil pli tard allas 12.00 uras el biro dalla Solida Treuhand AG a Sedrun. Las trofeas vegnan punctadas il venderdis suentermiezdi. Trofeas che vegnan dadas giu memia tard, san buca vegnir punctadas.

Ei fagess a nus grond plascher d’astgar presentar tuttas trofeas digl onn da catscha 2018.

Culs megliers salids
La suprastonza

MESSA DA S. HUBERT 2018 (04.11.2018)

Dumengia, ils 4 da november 2018 ha liug ella baselgia da s. Vigeli a Sedrun la usitada messa da s. Hubert cun accumpignament dalla gruppa da sunacorns Badus.

Culs megliers salids
La suprastonza

ENGRAZIAMENT

Ils 13 d'october 2018 havein festivau il giubileum da 75onns dall’ Uniun da catschadurs Badus. Ei ha dau massa lavur tier quella fiasta ed ei ha fatg a nus grond plascher da veser sco mintg’in ei segidaus tut quei ch’el ha pudiu. Per nus ei la fiasta gartegiada e tut ha funcziunau sco previu. Per Vies agid lein nus aschia engraziar gondamein e sperein che Vus hagies era saviu guder in per bialas uras da cumpignia. (Fotos) Sche zatgi ha aunc fotos, fagei aschi bien e tarmettei ellas sut: info@secziun-badus.ch
Il proxim termin dall’ Uniun da catschadurs ei la messa da s. Hubert che ha liug ils 4 da november 2018 e lu silsuenter la sera da trofeas. Nus giavischein a Vus aunc in bi temps d’atun e selegrein sin in bien seveser.

Culs megliers salids
La suprastonza