STANS DA SITTAR DA CATSCHA

Program da sittar 2022

Igl onn 1995 ei il stan da sittar vegnius dislocaus naven dil Drun sper il stan da sittar dils tiradurs el territori dalla Hydro Surselva. Quella dislocaziun ha stuiu succeder perquei ch’il plazzal da lavur dalla NEAT ha basignau quei plaz. Cun in grond agid finanzial eis ei stau pusseivel da construir in modern stan da sittar da 100 meters da quater schibas ed in stan da sittar da lieurs.

Per sittar staten ils suandonts indrezs a disposiziun:

♦ 100m stan da catscha aulta cun 4 schibas da camutsch, cavriel, uopl e schiba rodunda sin sugas
♦ indrez da lieur che cuora (30m)

Sper il stan da catscha sesanfla il stan dils tiradurs cun suandonts indrezs:

♦ 300m stan da tir cun 6 schibas rodundas e visualisaziun electronica da polytronic
♦ 10m stand per sittar cun buis cun aria da pressiun

Segirtad
Sin nos stans da sittar stad la segirtad sissum dil tut e perquei ein tuts obligai da controllar in l'auter e far attents sin l'auter sur dalla segirtad. Aschia supplichein nus tuts da haver capientscha, sche zatgi fa attents Vus sin in sbagl. Tuts ein engrazieivels persuenter!

Capotiradurs
L' Uniun da tiradurs ha 3 capotiradurs che ein responsabels per la segirtad dils stans da sittar. Els ein era responsabels per ils mussaments da sittar, che ein obligatorics per retrer la patenta da catscha.